“Brent” neftinin qiyməti dörd ilin minimumuna düşüb

London ICE birjasında 2025-ci ilin iyun ayında təhvil verilməsi nəzərdə tutulan “Brent” markalı neftin fyuçers qiyməti 2021-ci ilin aprelin 7-dən bəri ilk dəfə bir barrel üçün 62 dollardan aşağı düşüb.

“Report” xəbər verir ki, bu barədə hərrac nəticələrindən bəlli olub.

Bakı vaxtı ilə saat 23:17-yə olan məlumata görə, “Brent”in qiyməti 4,01 % azalaraq bir barrel üçün 61,78 dollar təşkil edib.

Saat 23:22-yə “Brent” bir barrel üçün 61,94 dollar (-3,76 %) səviyyəsində hərrac çıxarılıb. Eyni zamanda, 2025-ci ilin may ayında təhvil verilməsi nəzərdə tutulan WTI markalı neftin fyuçers qiyməti 4,84 % ucuzlaşaraq bir barrel üçün 58,57 dollar təşkil edir. Saat 23:38-ə olan məlumata görə, “Brent” 61,57 dollar səviyyəsində qiymətləndirilir.