“Brent” markalı neftin qiyməti artıb

Neft qiymətləri Amerika Neft İnstitutunun (API) ABŞ-də ehtiyatların azalmasına dair məlumat yaymasından sonra artıb.

“Report” “İnterfaks”a istinadən xəbər verir ki, Londonun “ICE Futures” birjasında “Brent” markalı neftin mart fyuçerslərinin qiyməti 1 barel üçün 77,9 ABŞ dolları təşkil edib və bu da əvvəlki sessiyanın yekun qiymətindən 0,4 % çoxdur.

Nyu-York əmtəə birjasında “WTI” markalı neftin fevral fyuçersləri 0,53 % bahalaşaraq 1 barel üçün 72,62 ABŞ dolları olub.