BP mənfəətini iki dəfə artırıb

Bakı. 30 oktyabr. REPORT.AZ/ Bu ilin III rübündə BP şirkətinin mənfəəti iki dəfə artaraq ötən ilin müvafiq dövründəki 1,86 mlrd. dollardan 3,8 mlrd. dollara çatıb.

“Report” şirkətin hesabatına istinadən xəbər verir ki, bu, son 5 ildə ən yüksək rüblük göstəricidir.

Şirkətin mənfəətinin artmasının neftin qiymətinin qalxması və yeni yataqlardan hasilatın artımı ilə əlaqədar olduğu bildirilir.

Bu ilin iyul-sentyabr aylarında şirkətin gəlirləri ötən ilin müvafiq aylarındakı 60,8 mlrd. dollardan 80,8 mlrd. dollara çatıb.