Azərbaycan neftinin qiyməti sabit qalıb

Bakı. 8 may. REPORT.AZ/ Azərbaycanın dünya bazarına çıxararaq satdığı "Azeri LT CIF" markalı xam neftin qiyməti dəyişməyib. 

“Report” xəbər verir ki, buna səbəb İngiltərədə May gününün qeyd edilməsi olub. 

“Erkən may bank bayramı” adlanan bu bayram hər il may ayının ilk bazar ertəsi günü keçirilir.

Xatırladaq ki, sonuncu dəfə ötən həftə “Azeri LT CIF”in 1 barelinin qiyməti 0,99 dollar və yaxud 1,33% artaraq 75,22 dollar/barelə bərabər olub.

Xatırladaq ki, "Azeri LT CIF" neftinin minimal qiyməti 2001-ci ilin dekabrında (19,15 dollar), maksimal qiyməti isə 2008-ci ilin iyulunda (149,66 dollar) qeydə alınıb.