Bakı 32° C
USD - 1.700 Azərbaycan daha iki ölkədən qaz sayğacları almağa başlayıb
- 05 mart, 2022
- 11:10
2021-ci il ərzində Azərbaycana xaricdən 24 milyon 008,69 min ABŞ dolları dəyərində 636 min 231 ədəd qaz sayğacları gətirilib.
“Report”un Dövlət Statistika Komitəsinin məlumatları əsasında apardığı hesablamalara əsasən, əvvəlki ilin analoji dövrü ilə müqayisədə idxal dəyər ifadəsində 54,9 %, kəmiyyət olaraq – 4,8 % artıb.
Çindən 23 milyonn 009,41 min ABŞ dolları dəyərində 618 min 703 ədəd, Türkiyədən 536,99 min ABŞ dolları dəyərində 16 min 886 ədəd, Almaniyadan 107,87 min ABŞ dolları dəyərində 246 ədəd, Slovakiyadan 89,15 min ABŞ dolları dəyərində 116 ədəd, Polşadan 72,34 min ABŞ dolları dəyəridə 97 ədəd, Amerika Birləşmiş Ştatlarından 67,03 min ABŞ dolları dəyərində 36 ədəd, Rusiyadan 54,96 min ABŞ dolları dəyərində 59 ədəd, Niderlanddan 40,25 min ABŞ dolları dəyərində 62 ədəd, Hindistandan 27,01 min ABŞ dolları dəyərində 1 ədəd sayğac alınıb.
2020-ci ilin eyni dövrünün göstəriciləri ilə müqayisədə Çindən tədarük müvafiq olaraq 2 dəfə və 30,2 % artıb, Türkiyədən – 69,6 % və 75,6 % azalıb, Almaniyadan – 79,7 % və 96,1 % azalıb, Slovakiyadan – 94,3 % və 99,8 % azalıb, Niderlanddan – 33,8 % və 98,1 % azalıb.
Bir il 6 aylıq fasilənin ardından Rusiyadan, 1 il 11 aylıq aradan sonra Amerika Birləşmiş Ştatlarından tədarük bərpa edilib. Ötən il son 10 ildə (qeyd: xarici ticarət üzrə açıq istifadədə olan rəsmi statistika 2011-ci ilə kimidir) ilk dəfə olaraq Polşa və Hindistandan qaz sayğacları alınıb.
2021-ci ildə Azərbaycan qaz sayğaclarını yalnız Türkiyəyə ixrac edib. Bu ölkəyə 60,36 min ABŞ dolları dəyərində 1 min 623 ədəd cihaz tədarük olunub ki, bu da əvvəlki illə müqayisədə dəyər ifadəsində 9,6 dəfə, kəmiyyət olaraq – 325 dəfə çoxdur.
Müəllif
Rus Versiası