Azərbaycan CECECO ilə əməkdaşlıq imkanlarını müzakirə edib

Azərbaycan və İqtisadi Əməkdaşlıq Təşkilatının (İƏT) Təmiz Enerji Mərkəzi (CECECO) arasında əməkdaşlıq imkanları müzakirə edilib.

Bu barədə "Report"a Energetika Nazirliyinin tabeliyində Enerji Məsələlərini Tənzimləmə Agentliyindən (EMTA) məlumat verilib.

Bildirilib ki, bu barədə müzakirələr Agentliyin İdarə Heyətinin sədri Samir Axundov və CECECO-nun icraçı direktoru Aysel Yaqubova arasında aparılıb.

Görüşdə CECECO tərəfindən həyata keçirilən layihələr və fəaliyyət istiqamətləri barədə məlumat verilib.

Tərəflər Enerji effektivliyi fondunun fəaliyyəti, eləcə də bərpaolunan enerji layihələri üzrə qarşılıqlı dəstək imkanlarına toxunublar, həmçinin qarşılıqlı maraq doğuran digər məsələlər barədə fikir mübadiləsi aparılıb.