Bakı 32° C
USD - 1.700 Azərbaycan 4 ölkədən elektrik enerjisi sayğaclarının tədarükünü bərpa edib
- 05 mart, 2022
- 11:05
Ötən il Azərbaycana 12 milyon 077,08 min ABŞ dolları dəyərində 321 min 779 ədəd elektrik enerjisi sayğacı idxal edilib.
“Report”un Dövlət Statistika Komitəsinin məlumatları əsasında apardığı hesablamalara əsasən, bu, əvvəlki illə müqayisədə dəyər ifadəsində 72 %, kəmiyyət olaraq – 42,6 % artıb.
Azərbaycan Çindən 10 milyon 338,01 min ABŞ dolları dəyərində 149 min 053 ədəd, Türkiyədən 1 milyon 668,39 min ABŞ dolları dəyərində 172 min 085 ədəd, Rusiyadan 61,29 min ABŞ dolları dəyərində 512 ədəd, Hindistandan 3,89 min ABŞ dolları dəyərində 28 ədəd, Almaniyadan 1,64 min ABŞ dolları dəyərində 38 ədəd cihaz alıb.
2020-ci ilin analoji dövrünün göstəriciləri ilə müqayisədə Çindən idxal müvafiq olaraq 84 % və 56 % artıb, Türkiyədən – 28,3 % və 32,8 % artıb, Rusiyadan – 92 % və 26 % artıb, Hindistandan – 2 dəfə və 5,6 dəfə artıb, Almaniyadan – 87,5 % və 42,5 % azalıb.
Bir il 5 aylıq fasilənin ardından Polşadan, 2 il 7 aylıq aradan sonra Böyük Britaniyadan, 2 il 8 ayın tamamında Tayvandan, 7 il 10 aydan sonra İsveçdən tədarük bərpa edilib. Ötən il son 10 ildə (qeyd: xarici ticarət üzrə açıq istifadədə olan rəsmi statistika 2011-ci ilə kimidir) ilk dəfə olaraq Macarıstandan idxal olub.
Bu ölkələrdən müvafiq olaraq 0,09 min ABŞ dolları dəyərində 7 ədəd, 0,03 min ABŞ dolları dəyərində 2 ədəd, 1,42 min ABŞ dolları dəyərində 10 ədəd, 0,9 min ABŞ dolları dəyərində 30 ədəd və 0,07 min ABŞ dollar dəyərində 1 ədəd sayğac alınıb.
Hesabat dövründə Azərbaycan 0,24 min ABŞ dolları dəyərində 3 ədəd elektrik enerjisi sayğacı ixrac edib. Onlardan 0,9 min ABŞ dolları dəyərində 2 ədədi Çinə, 0,15 min ABŞ dolları dəyərində 1 ədədi isə Avstriyaya göndərilib. 2020-ci ildə ölkəmizdən bu növ sayğaclar xaricə tədarük olunmayıb.
Müəllif
