Ekspert: İqlim təhlükələrinin həlli üçün strategiya lazımdır

İqlim təhlükələrinin həlli üçün strategiya lazımdır.

"Report" xəbər verir ki, bunu Ekologiya və Təbii Sərvətlər Nazirliyi yanında İctimai Şuranın üzvü, ətraf mühit məsələləri üzrə ekspert Rövşən Abbasov Bakı İqlim Fəaliyyəti Həftəsinin üçüncü günündə çıxışı zamanı deyib.

Onun sözlərinə görə, Azərbaycandan çoxlu transsərhəd çaylar keçdiyindən iqlim təhlükəsi daha da artır:

"Sərhədyanı icmalar daha çox iqlim həssaslığı ilə üzləşirlər. İqlim təhlükələrinin həlli üçün strategiya lazımdır. Çayın yuxarı və aşağı axarında yaşayanlar üçün konsepsiya olmalıdır. Bu, böhranın qarşısını ala bilər".