Vladimir Putin: "Türkiyənin müstəqil şəkildə qərarlar verməsini yüksək qiymətləndiririk"

Bakı. 28 noyabr. REPORT.AZ/ "Türkiyənin Rusiya ilə iqtisadi əməkdaşlıq məsələsi də daxil olmaqla, müstəqil şəkildə qərarlar verməsini yüksək qiymətləndiririk". "Report" xəbər verir ki, bunu Rusiya prezidenti Vladimir Putin Türkiyəyə səfəri ərəfəsində "Anadolu" informasiya agentliyinə müsahibəsində bildirib. 

"Türk tərəfdaşlarımız öz maraqlarını başqalarının siyasi ambisiyalarına qurban verməyib. Hesab edirəm ki, bu həqiqətən də düşünülmüş və uzaqgörən addımdır", - V.Putin vurğulayıb. 

Qeyd edək ki, Rusiya prezidenti dekabr ayının 1-də Türkiyəyə səfər edəcək. Səfər çərçivəsində V.Putin Türkiyə-Rusiya Yüksək Səviyyəli Əməkdaşlıq Şurasının iclasında iştirak edəcək, eləcə də Türkiyə prezidenti Rəcəb Tayyib Ərdoğanla görüşəcək.