Uqandada yüzlərlə insan saxta COVID-19 vaksini ilə peyvənd edilib

Uqandada azı 800 nəfər koronavirusa qarşı saxta vaksinlə peyvənd olunub.

“Report” xəbər verir ki, bu barədə yerli "Daily Monitor" nəşri bildirib.

"Bu vaksinin etiketlərinin tərkibinin ya haradansa oğurlanmasına ya da saxtalaşdırılmasına dair şübhələr var, - səhiyyə idarəsinin başçısı Vallen Naamar bildirib.

Naamarın sözlərinə görə, saxta preparatla vaksinləmə mayın 15-dən iyunun 17-dək aparılıb. Vaksinləməni həyata keçirən həkim ölkədən qaçıb, iki tibb bacısı həbs edilib.

Səhiyyə üzrə idarənin başçısı həmçinin qeyd edib ki, COVID-19-a qarşı praktik olaraq bütün vaksinlər 5 ml həcmə malikdirlər. Amma saxta ampulaların həcmi daha böyükdür.

Qeyd edilir ki, dələduzlar indiki preparatın yerinə ampulalara su tökə bilərlər.