Bu ölkədə koronavirusa 3-cü yoluxma qeydə alındı

Ukraynanın Ternopolsk vilayətinin sakini 3-cü dəfə koronavirus infeksiyasına yoluxub.

“Report” RİA “Novosti”yə istinadən xəbər verir ki, bu barədə vilayətin dövlət administrasiyasının Səhiyyə İdarəsinin rəhbəri Vladimir Boqayçuk bildirib.

"Üçüncü dəfə yoluxan xəstə var. Biz anlamalıyıq ki, hətta infeksiyadan sağalma bizi təkrar xəstəlikdən müdafiə etmir", - Boqayçuk yerli nəşrə bildirib.
Daha əvvəl Ukraynanın Səhiyyə Nazirliyi ölkədə COVID-19-a 67 597 yoluxmanın qeydə alındığını açıqlayıb. Nazirliyin məlumatına görə, ölkədə təhlükəli infeksiyadan 1 650 insan ölüb. Bununla yanaşı, virusa yoluxmuş 37 394 pasiyent sağalıb.