Türkiyə Mark Rüttenin NATO-nun Baş katibi postuna namizədliyini dəstəkləyir

Türkiyə Niderlandın Baş naziri Mark Rüttenin NATO-nun Baş katibi postuna namizədliyini dəstəkləyir.

“Report” “Anadolu”ya istinadən xəbər verir ki, bu barədə Türkiyənin rəsmi mənbələri bildiriblər.

Məlumata görə, rəsmi Ankara qərarı haqqında Alyansa üzv ölkələri də məlumatlandırıb.

Qeyd edək ki, ötən həftə M.Rütte İstanbula səfər etmiş, Türkiyə Prezidenti Rəcəb Tayib Ərdoğanla görüşüb, ondan dəstək istəmişdi. Onlar arasında aprelin 26-da təkbətək görüş olub.