İŞİD silahlıları İraqda dinc sakinləri oğurlayıb

Bakı. 16 fevral. REPORT.AZ/ İŞİD silahlıları İraqda dinc sakinləri oğurlayıb.

"Report"un məlumatına görə, bu barədə "Sinxua" agentliyi yerli hakimiyyət orqanlarına istinadən məlumat yayıb.

Məlumata görə, hadisə Ənbar vilayətində baş verib. Belə ki, terrorçu qruplaşmanın silahlıları Rava şəhəri yaxınlığında 5, Hadit şəhəri yaxınlığında isə 3 nəfər daxil olmaqla, 8 nəfəri oğurlayıblar.

Agentlik bildirib ki, hər iki hadisə sakinlər göbələk yığan zaman baş verib. 

Daha əvvəl İŞİD-in İraqın şimalında, Kərkük vilayətində törətdiyi partlayışlar nəticəsində 1 nəfər ölüb, daha 8 nəfər yaralanıb.