İdlibdə silah anbarında partlayış nəticəsində 5 nəfər ölüb - YENİLƏNİB

Suriyanın şimal-qərbindəki İdlib əyalətində silah-sursat anbarında baş verən partlayış nəticəsində 5 nəfər ölüb, 9 nəfər yaralanıb.

"Report" xəbər verir ki, bu barədə "Syria TV" kanalı əyalətin daxili təhlükəsizlik qüvvələri komandanlığının məlumatlarına istinadən məlumat yayıb.

Məlumata görə, hadisənin nəticələrinin aradan qaldırılması ilə məşğul olan müvafiq qurumların əməkdaşları hadisə yerində işləyirlər.

Bildirilib ki, yaralılar xəstəxanaya yerləşdirilib.

15:15

Suriyanın şimal-qərbində baş vermiş partlayış nəticəsində bir neçə nəfər yaralanıb.

Bu barədə "Report" "Sky News Arabiya"ya istinadən xəbər verir.

Məlumata görə, partlayış İdlib əyalətinin Kafr-Taxarim şəhərində baş verib. Qeyd olunur ki, zərərçəkənlərin sayı hələ ki məlum deyil.

Mənbələrin məlumatına görə, hadisənin səbəbləri araşdırılır.