Suriya qoşunları Hələbdə üsyançılarla atəşkəsə nail olublar

Suriya ordusu və "Suriya Demokratik Qüvvələri"nin (SDQ) nümayəndələri Hələbdə atəşkəs barədə razılığa gəliblər.

"Report" xəbər verir ki, bu barədə "The National" məlumat yayıb.

Suriya Müdafiə Nazirliyi bəyan edib ki, qarşılıqlı atəşkəs qərarı qəbul olunub.

Daha əvvəl Suriya Daxili İşlər Nazirliyi bildirib ki, silahlılar Hələbin Şeyx Maqsud və Əşrəfiyə rayonlarındakı nəzarət məntəqələrində Suriya hərbçilərinə hücum ediblər.

2025-ci ilin oktyabrında SDQ ilə hökumət qüvvələri arasında atışmalar baş verib. Bundan sonra Dəməşq üsyançılarla hərtərəfli atəşkəs elan edib.