Somalidə sərnişin avtobusu partladılıb, ölənlər var

Somalidə partlayış törədilib.

Bu barədə “Report” “Anadolu” agentliyinə istinadən xəbər verir.

Məlumata görə, hadisə ölkənin cənubunda, Orta Şabelle ərazisində olub. Belə ki, yol kənarına qoyulmuş partlayıcı qurğu içində 24 sərnişinin olduğu avtobus ərazidən keçərkən işə düşüb. Partlayış zamanı bir neçə nəfərin həlak olduğu bildirilir, lakin ölənlərin dəqiq sayı açıqlanmır.

Hadisəyə görə məsuliyyəti hələ heç bir təşkilat üzərinə götürməyib.