Serbiyada leysan yağışları subasmalara səbəb olub

Son bir neçə gündə fasiləsiz yağıntılar səbəbindən Serbiyanın bəzi ərazilərində subasmalar qeydə alınıb.

"Report"un Balkan bürosu xəbər verir ki, bu barədə ölkənin Daxili İşlər Nazirliyi (DİN) məlumat yayıb.

Bildirilib ki, Moraviça və Zlatibor rayonlarında su basmış ərazilərdə əhalinin təhlükəsizliyini təmin etmək üçün DİN-in Fövqəladə Hallar Sektorunun əməkdaşları xidməti vəzifələrini yerinə yetirirlər.

Məlumata görə, su basmış ərazilərdə sürüşmə təhlükəsi ilə əlaqədar da tədbirlər görülür.

Vurğulanıb ki, kənd təsərrüfatı təyinatlı təxminən 350 hektar torpaq su altında qalıb.