SCMP: Honkonqda yük təyyarəsi uçuş-enmə zolağından çıxıb

Dubayın "Emirates" aviaşirkətinə məxsus yük təyyarəsinin Honkonqda uçuş-enmə zolağından çıxması nəticəsində iki nəfər həlak olub.

"Report" xəbər verir ki, bu barədə "South China Morning Post" (SCMP) qəzeti polisin açıqlamasına istinadən məlumat yayıb.

Təyyarənin yerli vaxtla təxminən saat 05:00-da (Bakı vaxtı ilə 01:00) eniş zamanı "yerüstü nəqliyyat vasitəsi" ilə toqquşduğu ehtimal olunur. Nəqliyyat vasitəsindəki iki sərnişin həlak olub.

"İlk olaraq iki kişinin itkin düşdüyü bildirilsə də, polis onlardan birinin tapıldığını və daha sonra xəstəxanaya aparıldığını bildirib", - deyə SCMP yazıb. Təyyarədəki dörd ekipaj üzvünün heç biri xəsarət almayıb.

Hadisə nəticəsində uçuş-enmə zolağı müvəqqəti olaraq bağlanıb.