Roma Papası İsrail və HƏMAS-ı atəşkəsə çağırıb

Roma Papası Lev XIV İsrail ordusunun Qəzza şəhərinə hücumu ilə əlaqədar İsrail və HƏMAS arasında atəşkəsə yenidən çağırış edib.

"Report" xəbər verir ki, bu barədə "Reuters" məlumat yayıb.

Roma Papası Qəzza zolağında fələstinlilərin düşdüyü vəziyyəti pisləyərək mülki əhali ilə həmrəyliyini ifadə edib: "Mən Qəzza zolağında qorxu içində yaşamağa davam edən və bu şəraitdə sağ qalan, yenidən öz torpaqlarını tərk etməyə məcbur olan Fələstin xalqı ilə dərin həmrəyliyimi ifadə edirəm".