Qəzza zolağındakı döyüşlər nəticəsində daha bir İsrail hərbçisi ölüb - YENİLƏNİB

İsrail Müdafiə Ordusunun Qəzza zolağndakı döyüşlərdə yaralanan daha bir hərbçisi - ehtiyatda olan gizir Nisan Şessler ölüb.

“Report” xəbər verir ki, məlumatı İsrail Müdafiə Ordusu yayıb.

Bildirilib ki, 21 yaşlı hərbçi dekabrın 29-da döyüşlərdə yaralanıb. O, bu gün yerləşdirildiyi hospitalda ölüb.

Məlumata görə, bununla da oktyabrın 31-dən yanvarın 16-dək Qəzza zolağında döyüşlərdə ölən İsrail hərbçilərinin sayı 190-a yüksəlib. Oktyabrın 7-dən - HƏMAS İsrailə hücum edəndən indiyədək ölən israilli hərbçilərin sayı isə 524-ə çatıb.

09:18

İsrail Müdafiə Ordusunun hərbçisi Qəzza zolağının cənubunda gedən döyüşlərdə ölüb.

“Report” TASS-a istinadən xəbər verir ki, məlumatı İsrail Müdafiə Ordusu yayıb.

Məlumata görə, birinci dərəcəli çavuş Nisan Şessler Qəzza zolağında döyüşlərdə ölüb.

HƏMAS-ın hücumu başlayandan - oktyabrın 7-dən indiyədək 523 israilli hərbçi həlak olub.