Peter Madyar mayın 9-da Macarıstanın Baş naziri vəzifəsinin icrasına başlayacaq

Macarıstanda keçirilən seçkilərdə qalib gələn "Tisa" partiyasının lideri Peter Madyar mayın 9-da ölkənin Baş naziri vəzifəsinin icrasına başlamaq üçün and içəcək.

"Report" xəbər verir ki, bu barədə Madyar sosial şəbəkələrdəki səhifəsində məlumat yayıb.

"Mayın 9-da günün ikinci yarısında, Baş nazirin rəsmi andiçməsindən sonra Budapeştdə bayram tədbiri keçirəcəyik", - o yazıb.

Xatırladaq ki, Macarıstanda aprelin 12-də keçirilmiş seçkilərdə müxalif "Tisa" partiyası parlamentdəki 199 yerdən 141-ni qazanıb, hakim "Fides" partiyası isə 52 yer alaraq məğlub olub.