​Nümayəndələr Palatası büdcə layihəsini təsdiqləyib

Bakı. 12 dekabr. REPORT.AZ/ ABŞ Nümayəndələr Palatası 2015-ci ilin ilk 9 ayı üzrə dövlət büdcəsini təsdiqləyib. Bu barədə "Report" "BBC"yə istinadən xəbər verir.

Qanun layihəsi bu ilki sessiyanın sonunda təsdiqlənməli idi. Odur ki, sənədin təsdiqlənmə mülddətinin başa çatmasına 2,5 saat qalmış deputatlar ona səs verib.

Nəticədə 1,1 trilyon dollarlıq büdcə layihəsi azacıq səs fərqi - 219 lehinə, 206 əleyhinə olmaqla qəbul edilib.

Bu layihənin əleyhdarları arasında respublikaçılar da var. Bu baxımdan senatda səsvermənin nəticəsini proqnozlaşdırmaq o qədər də asan deyil.