Netanyahu "Mossad"a direktor təyin edib

İsrailin Baş naziri Benyamin Netanyahu öz hərbi katibi general-mayor Roman Qofmanı kəşfiyyat xidməti olan "Mossad"ın yeni direktoru təyin edib.

"Report" xəbər verir ki, bu barədə "The Times of Israel" qəzeti Netanyahunun ofisinə istinadən məlumat yayıb.

Qofman "Mossad"ın indiki rəhbərini - beşillik səlahiyyət müddəti 2026-cı ilin iyununda başa çatacaq David Barneayı əvəz edəcək.

Məlumata görə, Qofman bütün kəşfiyyat və güc strukturları, xüsusilə də "Mossad"la daim qarşılıqlı əlaqədə olub.

Rusiya KİV-ləri qeyd edir ki, Qofman 1976-cı ildə Belarusda anadan olub, 1990-cı ildə ailəsi ilə birlikdə İsrailə repatriasiya edilib və burada hərbi karyerasına başlayıb.