Laosda su basmış mağaradan 10 gündən sonra dörd nəfər xilas edilib

10 gün sonra xilasedicilər Laosda su basmış mağaradan dörd kişini azad ediblər.

Bu barədə "Report" xarici mediaya istinadən xəbər verir.

Hadisə mərkəzi Saysombun əyalətində baş verib, burada yeddi nəfərdən ibarət kənd sakinləri qrupu qızıl axtarışı ilə dar yeraltı tunellərə girib. Mayın 20-də baş verən qəfil daşqın nəticəsində mağaranın girişləri bağlanıb.

Son məlumatlara görə, iki kişi hələ də itkin düşmüş hesab olunur, axtarış-xilasetmə əməliyyatı davam edir.