KİV: "ABŞ kəşfiyyatı COVID-19-la bağlı Çində informator axtarır"

ABŞ-ın kəşfiyyat orqanları COVID-19-un yaranması ilə bağlı informasiya əldə etmək üçün Çinin Uhan şəhərindən alim və tibb işçiləri arasından informatorlar axtarır.

“Report” TASS-a istinadən xəbər verir ki, məlumatı avqustun 11-də “Global Times” qəzeti yayıb.

Qəzetin yazdığına əsasən, ABŞ kəşfiyyat xidmətinin əməkdaşları Uhanda epidemiyanın başlanğıc stadiyası barədə informasiya əldə etmək məqsədilə şahid axtarmağa çalışır. “Onların hədəfi səhiyyə sistemi, bioloji araşdırma institutları, habelə Uhan şəhər sakinləridir”.