Keniyada təyyarə qəzaya uğrayıb, 11 nəfər ölüb - YENİLƏNİB

Keniyada yüngül mühərrikli təyyarənin qəzaya uğraması nəticəsində 11 nəfər ölüb.

"Report" xəbər verir ki, bu barədə "Reuters" "Mombasa Air Safari" aviaşirkətinin bəyanatına istinadən məlumat yayıb.

"Təəssüf ki, sağ qalan yoxdur", - bəyanatda bildirilib.

Qeyd edilib ki, təyyarə Macarıstandan və Almaniyadan olan turistləri daşıyırdı. Onun göyərtəsində 10 sərnişin və bir ekipaj üzvü olub.

12:09

Keniyanın Kvale şəhərində təyyarə qəzaya uğrayıb, göyərtəsində 12 nəfər olub.

"Report"un "Reuters" agentliyinə istinadən məlumatına görə, bu barədə Keniyanın Mülki Aviasiya İdarəsi məlumat verib.

Məlumata görə, təyyarə Dianidən Kiçva Tembo turizm kompleksinə gedirmiş.

Ölən və xəsarət alanlar barədə məlumat yoxdur. Bildirlib ki, qəzanın səbəbləri araşdırılır.