İsrail ordusu HƏMAS-ın xüsusi tunelini məhv edib

İsrail Müdafiə Qüvvələrinin əsgərləri Fələstinin HƏMAS radikal hərəkatının terror məqsədləri üçün istifadə etdiyi xüsusi yeraltı tikilisini aşkar edərək məhv ediblər.

“Report”un “Yedioth Ahronoth” qəzetinə istinadən verdiyi məlumata görə, Qəzza zolağının cənubunda komanda məntəqəsi, rabitə mərkəzi və anbarın yerləşdiyi yüzlərlə metr uzunluğunda tunel aşkarlanıb.

Tuneldəki binalar enerji və su təchizatı üçün zəruri olan infrastrukturla təchiz edilib. Gizli tunel 99-cu briqada mühəndislərinin köməkliyi ilə dağıdılıb.