İsrail Livanın cənubunda "Hizbullah"ın komandirini öldürüb

Digər ölkələr
  • 29 avqust, 2025
  • 21:00
İsrail Livanın cənubunda Hizbullahın komandirini öldürüb

Livanın cənubundakı Nəbatiyə şəhəri yaxınlığında İsrailin pilotsuz uçuş aparatının endirdiyi zərbə nəticəsində "Hizbullah" komandiri öldürülüb.

Bu barədə "Report" yerli KİV-ə istinadən xəbər verir.

Öldürülən Əhməd Naim Maatuk daha əvvəl 2024-cü il sentyabrın 17-dəki kiberhücum zamanı sui-qəsd cəhdinin hədəfi olub.

Məlumata görə, Maatuk Kfar Sir və Sir əl-Qərbiyyə qəsəbələri arasındakı magistral yolda avtomobil idarə edərkən İsrailə məxsus pilotsuz uçuş aparatları tərəfindən izlənilib.

Onunla yanaşı ölən və yaralananlar barədə məlumat yoxdur.