HƏMAS israilli girovun meyitini BQXK-yə təhvil verib - YENİLƏNİB

HƏMAS Beynəlxalq Qızıl Xaç Komitəsinə həlak olmuş girovun meyiti olan tabutu təhvil verib.

"Report" xəbər verir ki, bu barədə "The Times of Israel" məlumat yayıb.

Məlumata əsasən, girovun meyiti Qəzza sektorunun şimalında aşkarlanıb.

Qalıqlar anklav ərazisində İsrail qoşunlarına təhvil veriləcək.

19:05

Yaxın saatlarda HƏMAS Beynəlxalq Qızıl Xaç Komitəsinin əməkdaşları vasitəsilə İsrailə daha bir həlak olmuş girovun meyitini təhvil verəcək.

"Report" xəbər verir ki, bu barədə İsrailin Baş naziri Benyamin Netanyahunun Ofisi məlumat yayıb.

Qeyd olunur ki, qalıqlar bu gün Qəzza sektorunun şimalında aparılan axtarışlar zamanı aşkarlanıb. Meyit ekspertiza üçün Milli Məhkəmə-Tibbi Ekspertiza İnstitutuna təhvil veriləcək.