İndoneziyada daşqınlar nəticəsində ölənlərin sayı 170 nəfəri ötüb - YENİLƏNİB

İndoneziyanın Sumatra adasında torpaq sürüşmələri və daşqınlar nəticəsində 174 nəfər həlak olub.

"Report" "Reuters" agentliyinə istinadən xəbər verir ki, bu barədə İndoneziyanın Təbii fəlakətlərin nəticələrinin aradan qaldırılması üzrə Agentliyinin məlumatında deyilir.

Onlarla İndoneziya sakini itkin düşüb.

"The Jakarta Post" 100 nəfərin itkin düşdüyünü yazır. Bəzi bölgələrdə rabitə və elektrik təchizatı kəsilib.

11:06

Sumatra adasının şimalında (İndoneziya) daşqınlar və torpaq sürüşmələri nəticəsində ölənlərin sayı 84 nəfərə çatıb.

"Report" xəbər verir ki, bu barədə "The Jakarta Post" qəzeti yerli xilasetmə xidmətlərinə istinadən yazıb.

Məlumata görə, 95 nəfər müxtəlif dərəcəli xəsarətlər alıb, ən azı 65 nəfər itkin düşüb.