İsrail aviasiyası Qəzzaya zərbə endirib

Bakı. 9 aprel. REPORT.AZ/ İsrail aviasiyası Qəzza sektoruna zərbə endirib.

"Report" xəbər verir ki, bu barədə İsrail ordusunun mətbuat xidməti məlumat yayıb.

Məlumata görə, zərbə HƏMAS yaraqlılarının sərhədi pozmaq cəhdlərinə cavab olaraq endirilib. Hərbçilər hücumun nəticələrini və hədəflərin xarakterini dəqiqləşdirməyiblər. Bununla yanaşı, zərbənin HƏMAS-ın obyektlərinə endirildiyi bildirilir.

İnsan itkisi barədə məlumat verilmir.

Qeyd edək ki, son günlər Qəzza sektorunda fələstinlilərlə İsrail hərbçiləri arasında qarşıdurmalar yenidən artıb. Toqquşmalar nəticəsində 1000-dən çox insan xəsarət alıb, habelə bir neçə nəfər həlak olub.