Husilər İsrailin beş obyektinə PUA ilə hücum edib

Yəmənin “Ənsar Allah” hərəkatının nümayəndəsi pilotsuz uçuş aparatlarından (PUA) istifadə edilməklə İsraildə beş obyektə hücum edildiyini açıqlayıb.

Bu barədə “Report” TASS-a istinadən xəbər verir.

Məlumata görə, hədəflər Ben-Qurion Beynəlxalq Hava Limanı, Eylat dəniz limanı və bir neçə hərbi obyekt olub.

Hücumların husilərin Fələstinə dəstək məqsədilə İsrailə qarşı davam edən kampaniyası çərçivəsində həyata keçirildiyi qeyd edilir.