Honq-Konqda yanğınla bağlı saxlanılanların sayı 11-ə çatıb

Honq Konqda çoxmərtəbəli yaşayış kompleksindəki yanğın işi üzrə saxlanılanların sayı 11-ə çatıb.

"Report" xəbər verir ki, bu barədə "Reuters" bildirir.

Məlumata görə, şəhərdə demək olar ki, 80 il ərzində baş vermis ən böyük yanğının araşdırılması çərçivəsində 11 şübhəli şəxs saxlanılıb. İstintaq mümkün korrupsiya komponentini, həmçinin Wang Fuk Court yaşayış kompleksində təmir işlərində təhlükəli olmayan tikinti materiallarından istifadə versiyalarını nəzərdən keçirir.

Bundan əvvəl yanğının baş verdiyi kompleksdəki işlərə nəzarət edən "Will Power Architects Company" konsaltinq şirkətinin iki direktoru, daha sonra altı nəfər, o cümlədən subpodratçı şirkətin iki sahibi həbs edilib.

Komissiya əməkdaşları həmçinin 13 ofisdə axtarış apararaq, texniki sənədləri və bank çıxarışlarını müsadirə ediblər.

Son məlumata görə, yüksək mərtəbəli yaşayış binasında güclü yanğın nəticəsində ölənlərin sayı 128 nəfərə çatıb, təxminən 150 nəfər itkin düşüb.