Fransa hökumətinə qarşı ikinci etimadsızlıq votumu parlamentə təqdim edilib - YENİLƏNİB

Fransa parlamentinə Baş nazir Sebastyan Lekornyunun hökumətinə qarşı gün ərzində ikinci etimadsızlıq votumu layihəsi təqdim edilib.

"Report" Fransa KİV-inə istinadən verdiyi məlumata xəbər verir ki, bu barədə sağçı "Milli Birlik" partiyasının parlament fraksiyası məlumat verib.

"Marin Le Pen və Erik Sotti səhər saatlarında "Milli Birlik" və "Respublika Uğrunda Sağçılar Birliyi" qruplarından birgə etimadsızlıq votumu irəli sürüblər", - fraksiyadan bildirilib.

Bundan əvvəl solçu "İtaətsiz Fransa" partiyası eyni təkliflə çıxış etmişdi.

11:46

Solçu "İtaətsiz Fransa" partiyası Milli Assambleyasında (parlamentin aşağı palatası) hökumətə qarşı etimadsızlıq səsverməsi haqqında qətnamə layihəsini qeydiyyata alıb.

"Report" xəbər verir ki, bu barədə partiyanın parlament fraksiyasının rəhbəri Matilda Pano "X" sosial şəbəkəsindəki hesabında paylaşım edib.

"Biz Lekornyu - 2 hökumətinin süqutuna səbəb olacaq etimadsızlıq səsverməsi haqqında qətnamə təqdim etdik!" - o bildirib.

M.Pano vurğulayıb ki, Sebastyan Lekornyu hökuməti süqut etdikdən sonra dövlət başçısı da istefa verməlidir.

🔴⚡️ Nous avons déposé la motion de censure qui fera tomber le #GouvernementLecornu2 !

Elle est signée par des député·es Ultramarins, communistes, écologistes et l'ensemble du groupe insoumis.

Le pays n'a pas de temps à perdre.

Lecornu tombera et Macron suivra. pic.twitter.com/OiIkOH39G0

— Mathilde Panot (@MathildePanot) October 13, 2025