Çində onlarla insan daşqınların qurbanı olub

Çinin Xubey əyalətində daşqınlar nəticəsində azı 21 nəfər həlak olub.

“Report”un məlumatına görə, bu barədə "Global Times” qəzeti bildirib.

Məlumata görə, təbii fəlakət cümə axşamı Lyulin şəhərində olub. Daşqınlar zamanı daha 4 nəfər itkin düşüb. Qeyd edilir ki, yağıntının miqdarı illik normanı ötüb.

Əyalətin meteoroloji xidməti bildirib ki, leysan yağışlar cümə gününə qədər davam edəcək.

İyulda qonşu Xenan əyalətinin Xubeem şəhərində daşqınlar nəticəsində 302 insan həlak olub, daha 50 nəfər itkin düşüb.