Çexiyada iki avtobus toqquşub, 17 nəfər xəsarət alıb

Liditse qəsəbəsi (Çexiya) yaxınlığında iki avtobus toqquşub, nəticədə 17 nəfər xəsarət alıb.

"Report" xəbər verir ki, bu barədə Çexiya mediası polisə istinadən məlumat yayıb.

Məlumata görə, yaralılardan biri tibbi helikopterlə xəstəxanaya çatdırılmalı olub.

Qeyd olunub ki, avtobuslardan biri magistral yolla hərəkət edib, digəri isə kənar yola çıxırdı.

Bildirilib ki, polis qəza şəraitini və səbəblərini araşdırır.