Baş katib husilərin saxladığı yeddi BMT əməkdaşını buraxmağı tələb edir

BMT Baş katibi Antonio Quterreş Yəməndə husilərin saxladığı yeddi təşkilat üzvünü buraxmağı tələb edib.

“Report” xəbər verir ki, o, bu barədə “X”də yazıb.

“Bu həftə Yəməndə husilər saxladığı 7 BMT əməkdaşının, eləcə də, daha əvvəl saxlanıların dərhal və qeyd-şərtsiz azad edilməsini tələb edirəm”, - o bildirib.

Baş katib qeyd edib ki, öz işlərini yerinə yetirən BMT əməkdaşları həbs olunmamalı və saxlanılmamalıdır.

Qeyd edək ki, Yəmənin üsyançı “Ənsar Allah” hərəkatının husi üsyançıları yanvarın 24-də ölkədə BMT-nin bir neçə əməkdaşını saxlayıb.