Amerikanın kosmik gəmisi BKS-də 2,3 ton yük çatdıracaq

"SpaceX" şirkətinin dünən kosmosa buraxılan "Cargo Dragon" yük kosmik gəmisinin bazar günü Beynəlxalq Kosmik Stansiyaya (BKS) çatması planlaşdırılır.

"Report"un NASA-ya istinadən məlumatına görə, lövbər salma ABŞ-nin şərq sahili vaxtı ilə səhər saat 7:00-da (Bakı vaxtı ilə saat 15:00) planlaşdırılır.

Gəmi stansiyanın Amerika seqmentinin "Harmony" modulunun ön qovşağına avtonom şəkildə bağlanmalıdır.

CRS-34 missiyasının bir hissəsi olaraq, BKS-ə təxminən 2,3 ton qida, eləcə də elmi təcrübələr üçün avadanlıq və materiallar çatdıracaq.

"Cargo Dragon" BKS-dən okeanda su üstü ilə Yerə yükü qaytara bilən yeganə yük kosmik gəmisi olaraq qalır.