Alyaskada təyyarə qəzası nəticəsində 4 nəfər ölüb

Bakı. 7 avqust. REPORT.AZ/ Amerikanın Alyaska ştatında təyyarənin qəzaya uğraması nəticəsində azı 4 nəfər həyatını itirib.

“Report” xəbər verir ki, bu barədə Birləşmiş Ştatların Milli Parklar Xidmətinə istinadən "Anchorage Daily News" qəzeti məlumat yayıb.

Bildirilir ki, hadisə Denali dağlarından cənub-qərbdə qeydə alınıb. Əldə edilən məlumatlara görə, ölən sərnişinlər Polşa vətəndaşlarıdırlar.

Parklar Xidməti əməkdaşının sözlərinə görə, hava şəraitinin pis olması beşinci sərnişinin axtarışlarını çətinləşdirir.

Hazırda hadisənin səbəbləri araşdırılır.