ABŞ-da atışma olub, ölən və xəsarət alanlar var

ABŞ-ın Virciniya-Biç (Virciniya ştatı) şəhərində baş verən atışma nəticəsində azı bir nəfər həlak olub, daha iki nəfər ağır xəsarət alıb.

“Report” xəbər verir ki, bu barədə yerli polisə istinadən CNN teleşirkəti bildirib.

Məlumata görə, polis əməkdaşları şənbə günü gecə atışma haqqında xəbər alıblar. Onlar əraziyə gələrkən hadisə zamanı həlak olmuş bir nəfərin meyitini və ağır yaralanmış iki nəfəri aşkarlayıblar. Zərərçəkənlər xəstəxanaya çatdırılıb.

Hadisənin başvermə səbəbləri müəyyənləşdirilir.