Tbilisidə Azərbaycan-Gürcüstan əməkdaşlığı müzakirə olunub

Gürcüstanın xarici işlər nazirinin müavini Laşa Darsaliya ölkədə işgüzar səfərdə olan Azərbaycanın Diasporla İş üzrə Dövlət Komitəsinin sədr müavini Vaqif Seyidbəyovla görüşüb.

“Report”un yerli bürosu xəbər verir ki, bu barədə Gürcüstan Xarici İşlər Nazirliyi məlumat yayıb.

Tərəflər bir çox istiqamətlərdə inkişaf edən Gürcüstan və Azərbaycan arasında məhsuldar əməkdaşlığı müzakirə ediblər. İki ölkə arasında strateji tərəfdaşlığın dərinləşdirilməsinin vacibliyi təsdiqlənib.

Görüşdə Azərbaycanın Gürcüstandakı səfiri Faiq Quliyev və digər rəsmi şəxslər də iştirak edib.