Növbəti köç karvanı Xocavənd şəhərinə çatıb, açarlar təqdim edilib – YENİLƏNİB-2

Xocavənd şəhərinə qayıdan daha 17 ailəyə evlərinin açarları təqdim olunub.

"Report"un Qarabağ bürosu xəbər verir ki, bu mərhələdə Xocavənd şəhərinə 17 ailə (65 nəfər) köçürülüb.

Qeyd edək ki, açarların təqdim olunması mərasimində ANAMA-nın sakinləri mina təhlükəsizliyi qaydaları haqqında məlumatlandırıblar, onlara müvafiq bukletlər paylanılıb.

12:49

Yola salınan növbəti köç karvanı Xocavənd şəhərinə çatıb.

"Report"un Qarabağ bürosu xəbər verir ki, bu gün Xocavəndə daha 17 ailənin daimi qayıdışı təmin olunub.

12:25

Böyük Qayıdış çərçivəsində Xocavənd şəhərinə daha 17 ailə (65 nəfər) yola salınıb.

"Report"un Qarabağ bürosu xəbər verir ki, köç edənlər ölkənin müxtəlif yerlərində, əsasən yataqxanalarda, sanatoriya və inzibati binalarda müvəqqəti məskunlaşmış ailələrdir.

Qeyd edək ki, bununla Xocavənd şəhərinə köçürülən ailələrin sayı 348-ə (1354 nəfər) çatıb.