Cənub zonasında Zəfərin 5-ci ildönümü  qeyd olunub

8 Noyabr - Zəfər Günü ölkənin cənub bölgəsində də təntənəli şəkildə qeyd edilib.

"Report"un Cənub bürosunun məlumatına görə, zonada təşkil olunan tədbirlər çərçivəsində şəhid məzarları ziyarət edilib, onların ruhuna dualar oxunub.

Daha sonra yerli mədəniyyət və incəsənət nümayəndələrinin iştirakı ilə şəhid ailələrinin üzvləri və Vətən müharibəsi əlilləri üçün konsert proqramı və bayram süfrəsi təşkil olunub.

Bundan başqa, Zəfərin 5-ci ildönümü münasibətilə viktorinalar, bilik yarışları, rəsm sərgiləri, idman turnirləri, elmi konfranslar keçirilib və teatr tamaşaları nümayiş etdirilib.