Gürcüstanın şokalad istehsalçısı Azərbaycan bazarına daxil olmaq istəyir

Gürcüstanın şokalad istehsalı ilə məşğul olan "Chrifruit" şirkəti Azərbaycan bazarına daxil olmaq istəyir.

Bunu “Report”a şirkətin rəhbəri Maya Jikia deyib.

Onun sözlərinə görə, üç il əvvəl Bakıda keçirilən “Caspian Agro” sərgisində iştirak etdik: “Bu dəfə keçirilən Azərbaycan Beynəlxalq Kənd Təsərrüfatı Sərgisi - “Caspian Agro” və 27-ci Azərbaycan Beynəlxalq Qida Sənayesi Sərgisi - “InterFood Azerbaijan” sərgilərindən gözləntilərimiz böyük idi. İstəyirik ki, sərgidə təmsil edilərək Azərbaycanda tərəfdaş tapaq və əməkdaşlıqlarımızı genişləndirək, Azərbaycan bazarına məhsullarımızı ixrac edək. Sərgilər çərçivəsində Azərbaycanın böyük mağaza şəbəkələrimizlə danışıqlarımız olub. Ümid edirəm ki, bu danışıqların nəticəsində biz məhsullarımızı Azərbaycana ixrac edə biləcəyik, danışıqlarımız uğurla nəticələnəcək. Bu görüşlər yalnız danışıqların birinci mərhələsidir”.

M.Jikia deyib ki, əl işləri ilə işlənən yüksək keyfiyyətə malik şokalad istehsal edirik: “Biz Böyük Britaniyaya məhsullarımızı ixrac edirik”.

Xatırladaq ki, Bakıda 18-20 may tarixlərində Bakıda 15-ci Azərbaycan Beynəlxalq Kənd Təsərrüfatı Sərgisi - “Caspian Agro” və 27-ci Azərbaycan Beynəlxalq Qida Sənayesi Sərgisi - “InterFood Azerbaijan” sərgiləri keçirilib. Sərgilərdə 24 ölkədən 449 şirkət iştirak edir. O cümlədən "Caspian Agro" sərgisinə 19 ölkədən (Azərbaycan, ABŞ, Almaniya, Belarus, Belçika, Böyük Britaniya, Çin, Finlandiya, Fransa, Gürcüstan, Hindistan, İspaniya, İsrail, İtaliya, Rusiya, Slovakiya, Türkiyə, Yaponiya, Yunanıstan) 294 şirkət, “InterFood Azerbaijan” sərgisinə isə 12 ölkədən (Azərbaycan, Belarus, Belçika, Böyük Britaniya, Hindistan, İran, İtaliya, Litva, Rusiya, Səudiyyə Ərəbistanı, Şri-Lanka, Türkiyə) 155 şirkət qatılıb.