"Google"un ana şirkətinin xalis mənfəəti 3 dəfə artıb

Bu ilin I yarısında "Google" axtarış sisteminin ana şirkəti - “Alphabet” korporasiyası 36,45 milyard ABŞ dolları xalis mənfəət əldə edib.

“Report” xarici mətbuata istinadən xəbər verir ki, bu, ötən ilin eyni dövrü ilə müqayisədə 2 dəfə çoxdur.

Hesabat dövründə holdinqin gəlirləri isə 1,5 dəfə artaraq 117,2 milyard dollara çatıb.

2021-ci ilin II rübündə isə şirkətin xalis mənfəəti illik müqayisədə 2,7 dəfə, gəlirləri isə 1,6 dəfə artaraq müvafiq olaraq 18,53 milyard və 61,88 milyard dollar olub.

“Alphabet” holdinqinə həmçinin “Android”, “YouTube”, “Google Life Sciences”, “Calico”, “Sidewalk Labs”, “Nest”, “Google Ventures”, “Google Capital” və “Google X” daxildir.