Azərbaycanın xəmir mayası istehsalçısının xalis mənfəəti 51 %-dən çox artıb

Azərbaycanın xəmir mayası istehsalçısı “Azər Maya İstehsal” QSC 2024-cü ili 616 min manat xalis mənfəətlə başa vurub.

“Report” səhmdar cəmiyyətinin maliyyə hesabatına istinadən xəbər verir ki, bu, 2023-cü illə müqayisədə 51,4 % çoxdur.

Ötən il “Azər Maya İstehsal”ın vergiyəqədərki mənfəəti 778 min manat (əvvəlki ilə nisbətən 40,2 % çox), mənfəət vergisi ödəmələri isə 162 min manat (9,5 % çox) təşkil edib.

Bu ilin yanvarın 1-nə “Azər Maya İstehsal”ın aktivləri 8,12 milyon manat olub ki, bu da illik müqayisədə 6,4 % azdır. Hesabat dövründə şirkətin öhdəlikləri 11,7 % azalaraq 5,743 milyon manata düşüb, balans kapitalı isə 9,6 % artaraq 2,377 milyon manata çatıb.

Xatırladaq ki, "Azər Maya İstehsal" 2021-ci ildə yaradılıb. Onun nizamnamə kapitalı 1,761 milyon manatdır. Şirkətin səhmləri "Azər-Maya" ASC-yə məxsusdur.