Azərbaycanda taxıl istehsalı 3 % artıb

2025-ci ildə Azərbaycanda taxıl istehsalı 2024-cü illə müqayisədə 3 % artıb.

"Report" xəbər verir ki, bunu kənd təsərrüfatı naziri Məcnun Məmmədov AzTV-yə müsahibəsində bildirib.

Onun sözlərinə görə, il ərzində ölkədə taxıl məhsuldarlığı 31 sentnerdən 33,4 sentnerə yüksəlib: "Ərzaqlıq buğda ilə özünütəminetmə səviyyəsinin yüksəldilməsinə dair bir sıra tədbirlər haqqında" Dövlət Proqramı çərçivəsində biz keçən il buğdanın məhsuldarlığın 40,6 sentnerdən 56,7 sentnerə artdığını gördük. Buna müasir suvarma ilə nail olduq. Odur ki, su resurslarının qorunması ən birinci və ümdə məsələlərdən biridir".