Azərbaycanda ötən il aqrar sektor 2 % böyüyüb

2020-ci ildə Azərbaycanda 8 428,9 milyon manatlıq kənd təsərrüfatı məhsulları istehsal olunub.

"Report" Dövlət Statistika Komitəsinə istinadən xəbər verir ki, bu, 2019-cu illə müqayisədə 2 % çoxdur.

Ötən il ölkədə istehsal olunmuş bitkiçilik məhsullarının dəyəri 0,8 % artaraq 4 028,4 milyon manat, heyvandarlıq məhsullarının dəyəri isə 3,1 % artaraq 4 400,5 milyon manat olub.