Azərbaycan meşə fındığı ixracını 20 %-dən çox azaldıb

Bu ilin mart ayında Azərbaycan xarici ölkələrə 9,7 mln ABŞ dolları dəyərində meşə fındığı ixrac edib.

“Report”un məlumatına görə, bu barədə İqtisadi İslahatların Təhlili və Kommunikasiya Mərkəzinin “İxrac İcmalı”nın 2021-ci ilin aprel sayında bildirilir.

Bu, 2020-ci ilin mart ayının göstəricisi ilə müqayisədə 4,4 mln ABŞ dolları və ya 31,2 % azdır.

Bu ilin yanvar-mart ayları ərzində isə Azərbaycan xarici ölkələrə 28,5 mln ABŞ dolları dəyərində meşə fındığı ixrac edib ki, bu da 2020-ci ilin ilk 3 ayı ilə müqayisədə 7,8 mln ABŞ dolları və ya 21,5 % azdır.